நெல்லை ஆட்சியர் அலுவலகத்தில் பரபரப்பு! கடையநல்லூர் அருகேயுள்ள காசிதர்மம் கிராமத்தை சேர்ந்த கூலித்தொழிலாளி இசக்கிமுத்து, தனது மனைவி சுப்புலட்சுமி, மகள்கள் 5 வயது மதிசரண்யா, ஒன்றரை வயதுள்ள அட்சய பரணியா ஆகியோர் மக்கள் குறை தீர்க்கும் கூட்டம் நடைபெற்ற அரங்கு முன்பு உடலில் மண்ணெண்ணெய் ஊற்றி தீ வைத்து கொண்ட சம்பவம் பரபரப்பை ஏற்படுத்தி உள்ளது

நெல்லை கலெக்டர் அலுவலகத்தில் கணவன்– மனைவி மற்றும் 2 குழந்தைகள் தீக்குளித்த சம்பவம் அதிர்ச்சியை ஏற்படுத்தியுள்ளது. இதற்கு கந்து வட்டிதான் காரணமாக அமைந்துள்ளது. எதிர் தரப்பை சேர்ந்தவர்களுக்கு கடையநல்லூர் காவல்நிலையத்தில் சப்–இன்ஸ்பெக்டராக பணிபுரியும் முருகன், ஏட்டு தங்கத்துரை ஆகியோர் ஆதரவாக இருந்துள்ளனர். இவர்கள் எதிர்தரப்பை சேர்ந்தவர்களிடம் பணத்தை வாங்கி கொண்டு கட்டப்பஞ்சாயத்து பேசியுள்ளனர். இசக்கிமுத்து மற்றும் அவரது குடும்பத்தை அவமரியாதையாக பேசி மிரட்டியுள்ளனர். பத்திரத்திலும் கையெழுத்து போடுமாறு தொந்தரவு செய்துள்ளனர். இதுகுறித்து எஸ்.பி.அருண்சக்தி குமார் ்விசாரணை நடத்தி வருகிறார். சம்பந்தப்பட்ட சப்.இன்ஸ்பெக்டர், ஏட்டு உள்பட இதில் தொடர்புடைய போலீசார் அதிரடியாக சஸ்பெண்ட் செய்யப்படுவார்கள் என்று காவல்துறை வட்டாரங்கள் தகவல் தெரிவிக்கின்றன.